Xəbərlər

Rusiyanın paytaxtı Moskva şəhərindəki M.İ.Rudomino adına Ümumrusiya Dövlət Xarici Ədəbiyyat Kitabxanasının Atriumunda dahi Azərbaycan şairi İmadəddin Nəsiminin büstü qoyulub. “Report”un Rusiya bürosu xəbər verir ki, büst Heydər Əliyev Fondunun və Azərbaycanın Rusiyadakı səfirliyinin təşkilatçılığı ilə qoyulub və səfirlikdən verilən məlumata görə, abidənin açılışı oktyabrın 30-da baş tutacaq. Qeyd edək ki, büst “Nəsimi ili” tədbirləri çərçivəsində ucaldılır.